حماية الهاتف من الاختراقو وحماية الصور الشخصية [شرح كامل]

بعد حادثة جروب Girly memes وبنات المنصورة وبعد الفيديوهات والصور التي تتسرب كل يوم ونجدها علي مواقع التواصل الاجتماعي كان لابد من وجود حل نحمى به الهاتف والحسابات الشخصية من الاختراق والسرقة والتجسس.
وأكيد الحل هو : لو انت عارف الهاكر بيخترق ازاي ؟ هتعرف تتجنب كل محاولات الاختراق المختلفه.
وبدون إطالة في الكلام سندخل مباشرة في خطوات لحماية الهاتف الذكي من التجسس والاختراق ، وبالطبع سنتكلم عن حماية الفيسبوك والواتساب من الاختراق فهما أساس الكارثة.

السلام عليكم ورحمة الله وبركاته

بسم الله الرحمن الرحيم 

والصلاة والسلام علي اشرف المرسلين سيدنا محمد النبي الامي الامين 

ثم اما بعد : 

تليفونك وحساباتك الشخصية عليهم أسرارك واسرار أسرتك كلها من صور او فيديوهات او محادثات. فيه ناس بقا هدفها انها توصل للاسرار دي إما عشان هم بيستمتعو بكشف اسرار الناس او انهم قاصدين الضرر او انهم طالبين مقابل عشان مينشروش الاسرار دي - حاجه قذرة يعني 😂💔 بس موجودين كتير اوي للأسف 😤

ماذا نفعل لنحافظ علي أسرارنا ؟

الحل ان نعرف هل هاتفي او حساباتي مخترقه او لا ؟ ولو مخترقة ازاي اخفي صوري وملفاتي عن المخترق او السارق؟ ولو مش مخترقة، ازاي احمي تليفوني في المستقبل من الاختراق ؟ واتصرف ازاي لو تليفوني اخترق او اتسرق ؟ والاهم بقا اتصرف ازاي لو الشخص اللي اخترقني او سرقني بيكلمني وعاوز يبتزني !

معلش الكلام ممكن يكون ممل في الاول بس لازم نمشي بالتدريج دا :

كيف أعرف أن تليفوني مخترق ؟ واذا كان الهاتف مخترقا ما العمل ؟

ببساطه جدا لو التليفون فجأة بقا بطئ او بيظهر اعلانات فجأة بدون سبب او بطاريته بتخلص بسرعه غير الطبيعي ( الناس اللي تليفوناتها بايظة اصلا ملهمش دعوة بالكلام دا 😂💔 ) التليفون بيسخن لوحده او بيهنج او بيسحب نت او بيقفل ويشتغل لوحده .. كل دي علامات علي اختراق الهاتف .

اقرأ ايضا : 10 علامات تدل علي ان جهازك مخترق وكيفية حمايته.

طيب لو مفيش العلامات دي 

اتاكد ازاي برده ان انا مش مخترق ؟ ولو مخترق ايه الحل برده ؟

هم حلين واحد سهل والتاني صعب شوية :

الحل الاول : هتفتح جوجل بلاي وهتكتب Anti virus هيطلعلك برامج كتير أفضلهم AVG , Avast , Antivirus and security 2020  

حيث انه مجاني وسهل الاستخدام ويتيح لك ميزة قفل التطبيقات بباسورد او بصمه.
هتفتح البرنامج وهتعمل Scan للموبايل ولو فيه اي برامج اختراق او غيرها علي تليفونك هيقولك وتمسحها وفي نفس الوقت هيحميك في المستقبل من اي لينكات او برامج او اي حاجه تحملها من مصدر غير معروف لو اي حاجه منهم غلط او مضرة هيحذرك.

عيب الطريقة دي انها ممكن متقدرش تتعرف علي الفايروس اللي مخترقك لان زي ما البرامج دي بتتحدث فيروسات الاختراق بتتحدث

الحل التاني وهو الأفضل : هتجيب وصله حلوة كدا وتفتح جهاز كمبيوتر او لابتوب يكون عليه انتي فيروس وانقل صورك وفيديوهاتك وملفاتك كلها من الذاكرة الداخليه والخارجيه (الملفات اللي تعرفها بس متنقلش اي حاجه متعرفهاش او مش عاوزها ) وشيل الخط من الموبايل (عشان الاسماء متتحذفش) ... واعمل اعادة ضبط مصنع للهاتف.
والحل دا هو افضل حل تعمله دلوقتي عشان تتاكد ان تليفونك في امان.
وبعدها بقا حط الخط تاني ورجع صورك وملفاتك تاني مكانها وهتلاقي نفسك معاك مساحه اكبر عالتليفون اصلا فاضية

طيب انا كدا نضفت التليفون

حساباتي علي السوشيال ميديا ؟ هل حد مخترقهم ؟

هنتكلم عن ٣ مواقع : الفيسبوك ،واتساب ، انستجرام
لانهم ببساطه أشهر ٣ مواقع للتواصل واللي بيكون فيهم غالب الاسرار واللي لسوء الحظ كلهم تابعين لنفس الشركة وهي فيسبوك.

نبدأ بموقع فيسبوك : هتروح علي الثلاث شرط من التطبيق في الاعلي ومنها تحت علي الاعدادات والخصوصية settings and privacy ومنها الي الاعدادات settings وبعدها الامان وتسجيل الدخول Security and login هتلاقي اول حاجه عندك هي من اين سجلت دخولك where you're logged in هنضغط علي رؤية الكل see all وننزل تحت خالص ونضغط علي تسجيل الخروج من كل الجلسات ( log out from all sessions ) دا لو أي حد مسجل دخول علي فيسبوك حتي انت من اي اجهزة تانية هيتم تسجيل الخروج من كل الاجهزة ماعدا تليفونك دا وبعدها روح بقا علي اعدادات كلمة المرور وغير كلمة السر بقا عشان تبقا كدا أمان الامان واربط حسابك بالفون وبايميل جوجل ياريت يعني 😉

ندخل علي الواتساب : الواتساب طول مانت فاتحه يبقا مفيش حد غيرك فاتحه لا تقلق، ولكن زيادة امان هتضغط علي التلت نقاط اللي فوق وتختار واتساب ويب لو جابلك شاشة التصوير يبقا انت كدا تمام انما لو جابلك ان فيه اجهزة متصله فهتضغط علي تسجيل الخروج من جميع الاجهزة او log out from all devices.

بعد كدا الانستجرام : هتدخل علي بروفايلك ومن الثلاث شرط اللي فوق هتدخل علي الاعدادات settings وبعدها هتدخل علي الامان security ومنها علي نشاط تسجيل الدخول login activity هتلاقي ظهرلك اكتر من حاجه اول واحد فيهم مكتوب عليه active now او نشط الان والباقي لا .. هتضغط علي التلات نقط اللي جنب كل واحد من الباقي وتضغط تسجيل الخروج log out هيطلب منك تغير الباسوورد .. غيره 😚⁦❤️⁩ ( واعمل بقا باسوورد محترم او اتنين كدا واحفظهم واستخدمهم في كل حاجه عشان متنسهمش )

كدا تليفونك وحساباتك الشخصية انت اتاكدت انهم مش مخترقين وانهم امان ... أمن بقا ملفاتك المهمه زيادة عن طريق اخفائهم بحيث تليفونك او حسابات لو اخترقو ملفاتك تفضل في امان

كيفية إخفاء الصور والفيديوهات والملفات في الهاتف لحمايتها من السرقة والاختراق؟

لازم ننوه انك متخفيش الصور في الفون وانت سايبهم اصلا في شات علي السوشيال ميديا 😣 مش عاوزين غباء 😂💔 نخبي الصور ونروح علي محادثات السوشال ميديا ونتاكد ان مفيهوش اي اسرار ولو فيه اي اسرار مكتوبه او صور او فيديوهات نحملها عالفون ونخبيها ونمسحها من السوشيال ميديا خالص.

إقرا ايضا : كيفية اخذ نسخة احتياطية من رسائلك وصورك كلها علي فيسبوك.

هندخل علي جوجل بلاي حبيبنا تاني وهنكتب hide files يعني اخفاء الملفات .. هنلاقي تطبيقات كتير ارجحلكو منها دا : Hide it pro
لان واجهته صعب جدا حد يعرف انك مخبي فيه صور او غيره وفي نفس الوقت بيدعم اخفاء الصور والفيديوهات والتطبيقات والاصوات والنصوص والملفات .
لو محتاجين شرح للتطييق دا تفصيلي بس اكتبولنا بس في تعليق .

انت لو نفذت لحد هنا يبقا انت كدا تليفونك سليم وملفاتك في امان حتي لو التليفون تم اختراقه او سرقته فصورك مش هتظهر للمخترق ولا للسارق.

طيب طيب انا داخل المقاله اصلا وانا عارف ان انا مش مخترق انا عاوز احمي نفسي من الاختراق مستقبلا .. اعمل ايه ؟

كيفية حماية الهاتف من الاختراق والتجسس في المستقبل ؟

لكي نجيب علي هذا السؤال يجب أن نعرف كيف يتم الاختراق ؟

الاختراق علي 3 طرق مشهورة :

- الطريقة الاولي : ان يأخذ منك المخترق المعلومة التي يريدها ويخترقك بها : عن طريق ان يرسل لك رابط مثلا شبيه لصفحة الفيسبوك وانت تفتحه وتكتب به الايميل وكلمة السر فيصلو الي المخترق وبذلك أنت اعطيته كلمة السر بنفسك ، سنضرب أمثلة أكثر : قد يرسل لك المخترق رابط لتغيير الوان الفيسبوك او رابط للحصول علي لايكات او رابط للحصول علي اشتراك في احد البرامج مجانا او رابط لانترنت مجاني او لرصيد مجاني او حتي رابط لكتاب الكلية او رابط للبحث او لاستبيان (لا تدخل ابدا كلمة السر في أي مكان ) ... الخ ، الامثلة كثيرة ولكن بعد ان عرف الناس ذلك بدأت حيلة أخري وهي  ان يطلب المخترق من الشخص ان يشارك الرابط مع الغير مثل ادخل علي الرابط لتحصل علي رصيد مجاني وعندما تدخل يخبرك للحصول علي الرصيد اضغط علي زر المشاركة وشاركه مع عشرة من اصدقائك وبالتالي هذا سيجعل الرابط اكثر انتشارا واكثر ثقة لانه مرسل من صديقك وليس من شخص مشكوك فيه .. 

الحيلة الاخري وهي أن يرسل الشخص لك كود فقدان كلمة السر علي هاتفك ثم يحادثك علي فيسبوك ويقنعك انه يحتاج الي ذلك الكود لكي 

الخلاصة : ليس هناك أي موقع علي الاطلاق سيطلب منك الرقم السري للفيسبوك او غيره الا الفيسبوك نفسه فلا تدخل الباسوورد الخاص بك في أي رابط حتي لو كان يشبه الفيسبوك.

- الطريقة الثانية : أن يضع لك فيروسا علي الهاتف ليخترق هاتفك وبياناتك : انتشرت مؤخرا هذه الطريقة حيث ان المخترق لو كان من القريبين منك ويمسك هاتفك يمكن ان يضع تطبيقا مخفيا يرسل له بياناتك ... او انه شخص غريب يرسل لك رابط تحت اي مسمي او عنوان (مثل جهازك في خطر أحمي جهازك من الفيروسات بهذا التطبيق فتحمله وهو أصلا فيروس) ومن هذا الرابط يتم تحميل التطبيق وتنصيبه علي جهازك دون ان تشعر. لذلك وجب وجود برنامج Anti-Virus لحمايتك.

المواقع الغير موثوقه أيضا قد تكون الاعلانات عليها من هذا النوع وتجعلك تحمل تطبيقات ضارة .

- الطريقة الثالثة : انك تروحي اي مكان او حتي في بيتك وتلاقي شبكة واي فاي عامة مفتوحه بدون كلمة سر وتدخل عليها او حتي بكلمة سر في مكان عام - الشبكة دي اتصالك عليها ممكن يعرض تليفونك للاختراق بكل سهوله.

عشان كدا بنقول اياك ثم اياك وشبكات الواي الفاي العامة.

هناك حيلة أخري يستخدمها البعض وهي إرسال رابط اليك وعند فتحه تأتيك رسالة تطلب منك اذن فتح الكاميرا ، قد تكون الرسالة بالانجليزية او حتي عربية ولكنك لم تقرأ وتضغط علي موافق او Ok فتفتح الكاميرا الامامية وتلتفط صورا لك وترسلها الي المخترق

نلخص بقا الكلام كله بالمفيد:

10 خطوات لحماية الهاتف الذكي من التجسس والاختراق 

1 - لا تفتح روابط لا تعرفها : رجاءا اهتم بهذا الامر ولا تفتح أي رابط حتي من صديقك الا انك تعرف الرابط وتثق به ، واذا فتحت الرابطف فاقرأ جيدا أي رسالة تظهر لك قبل الضغط علي موافق ، ولا تدخل في هذا الرابط أي كلمة السر لك أبدا أبدا أبدا ، اذا بدأ الرابط بتحميل أي شئ فاوقف التحميل فورا واحذفه واخرج من الرابط.

2- لا تثبت تطبيقات من مصدر غير موثوق : تثبيت التطبيقات يكون من المتجر الرسمي وهو جوجل بلاي او الاب ستور للايفون ، ولا تسمح بتثبيت التطبيقات من مصدر غير معروف وذلك عن طريق الدخول الي الاعدادات ثم تبحث في مكان البحث عن Install app لتظهر النتيجة Install unknown apps تضغط عليها لتلغي تفعيل هذه الميزة من جميع التطبيقات الموجوده حتي لا يتم تثبيت اي تطبيقات منها دون علمك.

3- حدث هاتفك : اذهب الي الاعدادات ثم النظام او حول الهاتف وابحث عن تحديث النظام لتري ان كان هناك تحديث لهاتفك فقم بالتحديث ، واحرص ان يكون تطبيق Antivirus المثبت علي هاتفك دائما محدث حتي يستطيع منع الفيروسات الحديثة.

4- استخدم كلمة سر قوية : هذه النصيحة تعتبر بديهيه ولكن هناك الكثير من الناس يجعلون باسورد هاتفهم او حساباتهم الشخصية 12345 مثلا ! 
استخدم كلمة سر مكونة أقل شئ من 9 أرقام ويكون منها حروف كبيرة وصغيرة وأيضا رموز وارقام بالطبع 
اصنع 2 او 3 كلمات سر واحفظهم جيدا واستخدم أقواهم في الحسابات المهمه التي لا يمكن فقدها واضعفهم في الحسابات الغير ضرورية والتي لا تحمل اي اسرار

إقرا ايضا : كيفية صناعة كلمة سر قوية لا تخترق ببرامج التخمين ابدا وسهلة الحفظ

5- ابتعد عن الفيسبوك : لا اقول لك اغلق حسابك او لا تتحدث فيه ، بل استعمله كيفما تشاء ولكن ابتعد عن وضع اسرارك او صورك به ، حتي الصور العادية او الفيديوهات العادية ، رحاءا لا تجعل الفيسبوك مكانا لاسرارك واستبدله بالواتساب او التليجرام والتليجرام بالطبع افضل بكثير.

إقرا ايضا ( هام جدااا ): طرق اختراق الفيسبوك وكيفية حماية نفسك منها

6- احذر شبكات الواي فاي العامة : الافضل ان لا تستخدمها نهائيا الا اذا اضطررت لذلك مع الحرص علي ان يكون لديك برنامج انتي فيروس علي الهاتف قبل الاتصال وان لا ترسل او تستقبل اي اسرار علي هذه الشبكة العامة.

7- اغلق التطبيقات بكلمة سر ثانية غير كلمة سر الهاتف : احرص دائما علي وضع اكثر من جدار امان لمعلوماتك وان تختلف كلمة السر الاولي عن الثانية. 
الانتي فيروس الذي ذكرته بالاعلي يحتوي علي هذه الخاصية وان لم تعمل فيمكنك تحميل تطبيق مخصص مثل AppLock

8- لا تنخدع بالاعلانات : الاعلانات التي تخبرك بالربح المجاني او الحب الرخيص او انك في خطر او حمل هذا التطبيق او اخدع اصدقائك او اي شئ خارج متجر جوجل بلاي فلا تستجيب اليه ولا تحمل منه اي شئ او تدخل به اي بيانات.

9- حماية ملفاتك من برامج استعادة الصور والملفات : هناك برامج مخصصة قد يستخدمها السارق ليستعيد صورك وملفاتك حتي بعد اعادة ضبط جهازك. ولمنع هذه البرامج ستحمل برنامج DiskDigger والذي يعد من أفضل البرامج لاستعادة الصور ولانه يحتوي علي ميزة تدعي ب Wipe free space او حذف المساحة الفارغة وبهذه الميزة سيقوم البرنامج بحذف المساحة الفارغة لديك (الملفات المحذوفه) بحيث لا يمكن استعادتها مرة اخري نهائيا حتي بالتطبيق هذا. يمكنك تحميلة واجراء عملية ال wipe بعد ان تحذف اي ملف لا تريد اي احد ان يستطيع استرجاعه.

10- اذا تم اختراقكك والمخترق يكلمك فلا تجبه : من المهم جدا معرفة كيف تتعامل مع المبتزين! هؤلاء الاشخاص اذا وافقت لهم علي طلب فسيستعبدونك طول الحياة ! مهما كانت الاسرار التي معهم قم فقط بحظرهم والابلاغ عنهم ، حيث يوجد قسم مخصص لمثل هذه العمليات علي معظم شبكات التواصل الاجتماعي فقط اكتب في جوجل الابلاغ عن ابتزاز في فيسبوك مثلا وسيظهر لك اول نتيجة صفحة تملأ فيها البيانات وتقدم البلاغ! واذا كان الموضوع فعلا خطير فخد نفسك وعلي أقرب قسم شرطة وخذ الهاتف وابلغ عن عملية ابتزازالكترونية وسيتم التعامل معه من قبل الشرطة.

إقرا ايضا : طريقة حماية جهاز الكمبيوتر من الاختراق.

وأخيرا هذا المجال يمكن ان اكتب فيه مقالتين وثلاثة وعشرة حيث أن هناك طرق عديدة للاختراق وطرق عديدة للأمان والتعامل في الظروف المختلفه وتأمين نفسك بدرجات مختلفه من وسائل الحماية ، إذا اردت ان نكتب أكثر عن هذا فاكتب لنا تعليقا او راسلنا عبر مواقع التواصل الاجتماعي وتابعنا علي تليجرام لتتوصل الي المقالات الجديدة اولا باول

اللهم إن كان من توفيك فمن عندك وان كان من سهو او خطأ فمني ومن الشيطان والله أعلم نرجوا ان تكون قد استفدت من هذا الموضوع علي موقع جيل تكس - Geel Techs ، وأن تفيد غيرك بنشر هذا الموضوع ، كما يمكنك ترك آراءك وتعليقاتك بالأسفل، وشكرا :)

الكاتب : عمرو عصام الدين - Amr Essam El-Dien